Zaxarova: "ABŞ hərbi texnikasının Ermənistana köçürülməsi regionda sabitliyə zərbə vuracaq"

"Rusiya tərəfi ABŞ-nin Almaniyadakı bazalarından Ermənistandakı poliqonlara yüzlərlə müxtəlif avadanlıq və texnika köçürmək niyyətində olduğu ilə bağlı xəbərləri görüb".

Oxu.Az xəbər verir ki, Rusiya Xarici İşlər Nazirliyinin nümayəndəsi Mariya Zaxarova bu mövzuda NEWS.ru-nun sualına cavab verərək qeyd edib ki, əgər məlumat təsdiqlənərsə, bu, Cənubi Qafqazda sabitlik və təhlükəsizlik üçün pozucu amil olacaq.

"Mən indi hər hansı hipotetik fərziyyələr qurmağı lazımlı hesab etmirəm, lakin əgər bu məlumat təsdiqlənərsə, əlbəttə ki, bu, Cənubi Qafqazda sabitlik və təhlükəsizlik üçün pozucu amil olacaq", - diplomat vurğulayıb.