Zaxarova: "Rusiyanın Suriyadakı hərbi bazalarının taleyinin Avropa İttifaqına aidiyyəti yoxdur"

"Rusiyanın Suriyadakı hərbi bazalarının aqibətinə Moskva-Dəməşq dialoqu çərçivəsində baxılacaq".

Oxu.Az xəbər verir ki, bu sözləri Rusiya Xarici İşlər Nazirliyinin rəsmi nümayəndəsi Mariya Zaxarova News.ru-nun sualını cavablandırarkən deyib.

Rusiyalı diplomat vurğulayıb ki, Rusiyanın Suriyada yerləşən bazalarına dair məsələlərin Avropa İttifaqına aidiyyəti yoxdur.

Xatırladaq ki, dekabrın 16-da Avropa İttifaqının diplomatik xidmətinin rəhbəri Kaya Kallas Aİ xarici işlər nazirlərinin görüşündən sonra keçirilən mətbuat konfransında bəyan edib ki, Aİ-nin Suriyanın yeni hakimiyyət orqanları ilə dialoqunun şərti Rusiya bazalarının çıxarılması olmalıdır.