Sağlamlıq turizminin inkişafı məqsədilə xüsusi işçi qrup yaradılıb

Azərbaycan Dövlət Turizm Agentliyi (DTA) sağlamlıq turizminin inkişafını sürətləndirmək məqsədilə dövlət və özəl sektor nümayəndələrinin, həmçinin ictimai birliklərin iştirakı ilə xüsusi işçi qrupu yaradıb.

Oxu.Az xəbər verir ki, bu barədə DTA-nın sədri Fuad Nağıyev "Səhiyyə İdarəçiləri Zirvəsi 2024" tədbirində çıxışı zamanı deyib.

O qeyd edib ki, işçi qrupunun əsas məqsədi sağlamlıq turizmi sektorunda mövcud problemləri müəyyənləşdirmək, onların həlli yollarını təklif etmək və qarşılıqlı fəaliyyətin effektivliyini artırmaqdır.

F.Nağıyev bildirib ki, işçi qrupunun fəaliyyətində Səhiyyə Nazirliyi, Tibbi Ərazi Bölmələrini İdarəetmə Birliyi (TƏBİB) və digər aidiyyəti qurumların nümayəndələri də iştirak edəcəklər.

Məhərrəm Əliyev