Ukrayna Prezidenti Volodimir Zelenski Fransa Prezidenti Emmanuel Makronla heç vaxt kokain qəbul etmədiyini bildirib.
Oxu.Az xəbər verir ki, Zelenski bu barədə amerikalı bloqer Lora Lumerə verdiyi və "X" sosial şəbəkəsində yayımlanan müsahibəsində danışıb.
"Əlbəttə ki, heç vaxt. Əlbəttə ki, yox", - deyə o, Makronla birlikdə kokain qəbul edib-etmədiyi barədə suala cavab verib.
Xatırladaq ki, daha əvvəl Ukrayna prezidentinin keçmiş mətbuat katibi Yuliya Mendel Zelenskinin narkotik istifadə etməsi ilə bağlı iddialardan danışmışdı. O bunu şəxsən görmədiyini, lakin bu şayiələri təsdiqlədiyini iddia edən çoxsaylı insanlarla görüşdüyünü bildirmişdi.
Daha sonra isə Ukrayna Prezident Ofisinin müşaviri Mixail Podolyak Mendelin bu məsələ ilə bağlı etibarlı məlumata malik olmadığını bildirib. Onun sözlərinə görə, keçmiş mətbuat katibi sadəcə Rusiya ilə münaqişənin əvvəlində geniş yayılan şayiələri təkrarlayıb.
