Bakıda avtomobildən 10 min dollara yaxın pul oğurlanıb

Bakıda avtomobildən 10 min dollara yaxın pul oğurlanıb.

Oxu.Az xəbər verir ki, bu barədə Daxili İşlər Nazirliyi məlumat yayıb.

Polisə müraciət edən zərərçəkmiş "Range Rover" markalı avtomobilindən 9 400 ABŞ dollarının oğurlandığını bildirib.

Nizami Rayon Polis İdarəsi 25-ci Polis Şöbəsi əməkdaşlarının keçirdikləri tədbirlərlə oğurluğu törətməkdə şübhəli bilinən, əvvəllər də eyni əmələ görə məhkum olunmuş 45 yaşlı N.Cəmilov müəyyən olunaraq saxlanılıb.

Faktla bağlı araşdırma aparılır.