Bu ilin altı ayı ərzində Bakı şəhərinin prokurorluq orqanları tərəfindən 130 cinayət işinin ibtidai istintaqı tamamlanıb.
Oxu.Az-ın məlumatına görə, bunu Bakı Şəhər Prokurorluğunda 2025-ci ilin birinci yarımilində cinayətkarlığa qarşı mübarizə, istintaq işi, prokuror nəzarəti sahələrində görülmüş işlərin vəziyyəti və qarşıda duran vəzifələrin müzakirəsinə həsr olunmuş geniş əməliyyat müşavirəsində Bakı şəhər prokuroru Elşən Abbasov deyib. O bildirib ki, onlardan 86 iş baxılması üçün müvafiq məhkəmələrə göndərilib: "Paytaxtın daxili işlər orqanlarının istintaq qurumları tərəfindən isə hesabat dövründə 2722 cinayət işinin istintaqı tamamlanıb, 2151 iş məhkəmələrə göndərilib.
Bakı şəhəri üzrə prokurorluq orqanları tərəfindən ibtidai istintaqı tamamlanmış cinayət işləri üzrə ümumilikdə dövlətə, fiziki və hüquqi şəxslərə vurulmuş 9.934.994,14 manat maddi ziyanın 5.279.487,65 manatı və ya 53.1%-i ödənilib".
Samir Əli
