Küçədə arvadı ilə birgə vətəndaşı döyən şəxs HƏBS EDİLDİ

Nərimanov Rayon Məhkəməsində xuliqanlıqda təqsirləndirilən Valeh Məmmədovun (soyadı şərti) cinayət işi üzrə məhkəmə istintaqı yekunlaşıb.

Oxu.Az Pravda.az-a istinadən xəbər verir ki, hakim Hafiz Kamranovun sədrliyi ilə keçirilən prosesdə hökm oxunub.

Məhkəmənin hökmü ilə V.Məmmədov bir il müddətinə azadlıqdan məhrum edilib və məhkəmə iclas zalında dərhal həbs olunub.

İttihama görə, hadisə bu il Bakı şəhəri, Nərimanov rayonu, X.Şuşinski, ev 21 ünvanının yaxınlığında qeydə alınıb.

Belə ki, Valeh Məmmədov zərərçəkmiş Emil Quliyevlə (soyadı şərti) mübahisə edib. Mübahisəyə səbəb isə təqsirləndirilən şəxsin zərərçəkmişin gecə vaxtı səs-küy salmasına irad bildirməsi olub. Bu zaman Valeh onu təhqir edərək yumruqla bədəninin müxtəlif hissələrinə qəsdən bir neçə ardıcıl zərbə endirib. Hadisə zamanı təqsirləndirilən şəxsin yanında qeyri-rəsmi nikahda olduğu arvadı da olub. Həmin qadın da Emilə zərbə vuraraq ona bədən xəsarəti yetirib.

Hadisədən sonra Valeh Məmmədov saxlanılaraq cinayət məsuliyyətinə cəlb edilərək barəsində başqa yerə getməmək haqqında iltizam qətimkan tədbiri seçilmişdi.