Yekaterinburqda Rusiya hüquq-mühafizə orqanlarının Hüseyn və Ziyəddin Səfərovları işgəncələrlə qətlə yetirmələrini təsdiqləyən görüntülər paylaşılıb.
Oxu.Az APA-nın "Telegram" kanalına istinadən xəbər verir ki, Rusiyanın hüquq-mühafizə orqanları, rəsmi şəxsləri və mediası israrla Ziyəddin və Hüseyn Səfərov qardaşlarının "ürək çatışmazlığından ölməsi" barədə Rusiya məhkəmə tibbi ekspertizasının verdiyi saxta rəyi təkrarlayırlar.
Fotolar isə sübut edir ki, Səfərov qardaşları işgəncələrlə qətlə yetiriliblər.
Qeyd edək ki, dünən gecə saatlarında Bakıya gətirilən cənazələr Azərbaycanda məhkəmə tibbi ekspertizadan keçirilib. Ekspertiza Səfərov qardaşlarının çox sayda küt travma aldıqlarını və buna görə həyatlarını itirdiklərini təsdiqləyib.
