Abşeron rayonunun Xırdalan şəhərində xilasedicilərin operativ müdaxiləsi sayəsində faciənin qarşısı alınıb.
Oxu.Az Fövqəladə Hallar Nazirliyinə (FHN) istinadən xəbər verir ki, qurumun "112" qaynar telefon xəttinə yaşayış binasında 2022-ci il təvəllüdlü azyaşlının mənzildə bağlı qapı arxasında köməksiz vəziyyətdə qalması ilə bağlı məlumat daxil olub.
FHN-in Xüsusi Riskli Xilasetmə Xidmətinin əməkdaşları dərhal hadisə yerinə yollanıblar.
Xilasedicilər alpinist ləvazimatlarından istifadə edərək 12 mərtəbəli yaşayış binasının 11-ci mərtəbəsinə qalxıblar. Eyvandan mənzilə daxil olan xilasetmə qrupu giriş qapısını açaraq azyaşlını valideynlərinə sağ-salamat təhvil veriblər.
Xırdalanda nazirlik əməkdaşları alpinist ləvazimatı ilə mənzilə girdilər - Azyaşlının xilasedilmə GÖRÜNTÜLƏRİ
