A Seriyası: "Latsio" "Napoli"ni minimal hesabla məğlub etdi

İtaliya A Seriyasında 2024/2025 mövsümünün 15-ci turunun "Napoli" - "Latsio" matçı başa çatıb.

Oxu.Az xəbər verir ki, oyun Neapoldakı "Dieqo Armando Maradona" stadionunda baş tutub. Qarşılaşma 0:1 hesabı ilə qonaqların xeyrinə başa çatıb.

Matçın yeganə qolunu 79-cu dəqiqədə Ticani Noslinin ötürməsi ilə "Latsio"nun hücumçusu Qustav İsaksen vurub.

Keçirilən 15 matçdan sonra "Napoli" A Seriyasının turnir cədvəlində 32 xalla ikinci yerdədir. "Latsio" da eyni sayda oyundan sonra 31 xalla 5-ci yerdə qərarlaşıb. İtaliya çempionatının turnir cədvəlinə 34 xalla "Atalanta" başçılıq edir.