Azərbaycan Premyer Liqasında yeni mövsümə start verilir

Bu həftə Azərbaycan Premyer Liqasının 2024/25 mövsümünə start veriləcək.

Oxu.Az Peşəkar Futbol Liqasının rəsmi saytına istinadla xəbər verir ki, sayca 33-cü Azərbaycan çempionatında 10 komanda mübarizə aparacaq.

İlk oyun günündə "Araz Naxçıvan" "Qarabağ"la avqustun 2-də üz-üzə gələcək. Turun digər oyunlarında isə "Neftçi" "Turan Tovuz"la, "Sumqayıt" "Kəpəz"lə avqustun 3-də qarşılaşacaq. İlk turun son oyunlarında isə "Şamaxı" "Sabah"Ia, "Zirə" isə "Səbail"lə avqustun 4-də görüşəcək.

2 avqust

20:00, "Araz-Naxçıvan" - "Qarabağ".

3 avqust

18:30, "Neftçi" - "Turan Tovuz";

20:45, "Sumqayıt" - "Kəpəz".

4 avqust

17:30, "Şamaxı" - "Sabah";

20:00, "Zirə" - "Səbail".