Rusiyanın qılıncoynatma üzrə Azərbaycan əsilli baş məşqçisi İlqar Məmmədov başını keçəl qırxdırıb.
Oxu.Az Lenta.ru-ya istinadən xəbər verir ki, İ.Məmmədov Olimpiya Oyunları başlamazdan əvvəl yetirmələrinin yarışmada 2 qızıl medal qazanacağı təqdirdə başını keçəl edəcəyini söz vermişdi. Məşqçi vədinə əməl edib.
İlqar Məmmədovun bərbərləri isə qılıncoynatma üzrə Olimpiya çempionları Timur Safin və Yana Yeqoryan olublar.
“Borclu borclunun sağlığını istər”, - baş məşqçi bununla bağlı açıqlamasında deyib.
Qeyd edək ki, İ. Məmmədov azərbaycanlı qılıncoynatma ustasıdır.
SSRİ əməkdar idman ustası komanda hesabında iki dəfə olimpiya çempionu (1988, 1996) və 1989-cu il dünya çempionu olub.
