Dünyada ilin kişi və qadın idmançıları seçildi

Şüvüllə tullanma üzrə ikiqat Olimpiya çempionu, dünya rekordçusu olan isveçli Arman Düplantis "Laureus World Sports Awards" versiyası üzrə "İlin kişi idmançısı" mükafatının qalibi olub.

Oxu.Az gazeta.ru-ya istinadla xəbər verir ki, mükafatların təqdim edilməsi mərasimi aprelin 21-də Madriddə keçirilib.

"İlin qadın idmançısı" mükafatına isə idman gimnastikası üzrə yeddiqat Olimpiya çempionu, 23 qat dünya çempionu olan amerikalı Simona Baylz layiq görülüb.

Qeyd edək ki, "Laureus" nominasiya siyahıları 70-dən çox ölkədən mindən çox idman media orqanının səsverməsi ilə formalaşır.