İran millisinin futbolçuları 2026-cı il dünya çempionatının qrup mərhələsində Belçika yığması ilə keçirilən və 0:0 hesabı ilə başa çatan oyundan sonra paltardəyişmə otağında duyğusal ismarış qoyublar.
Oxu.Az xəbər verir ki, bu barədə "The Sun" nəşri məlumat yayıb.
"Min illər əvvəlki qədim Persiyadan bugünkü sivilizasiyaya qədər İranın ruhu yaşayır və güclü olaraq qalır. Biz Los-Ancelesə qürurla gəldik, şərəflə mübarizə apardıq və ləyaqətlə ayrılırıq. Qonaqpərvərliyə görə təşəkkür edirik, Los-Anceles! Və bu iki oyun ərzində qəlbini, səsini və ruhunu ortaya qoyan hər bir iranlıya təşəkkür edirik. Qoy bütün xalqlar arasında sülh, hörmət və dostluq hökm sürsün", - deyə nəşr futbolçuların ismarışından sitat gətirib.
Qeyd edək ki, İran millisi 2026-cı il dünya çempionatındakı ilk iki oyununda heç-heçə edib. Komanda əvvəlcə Yeni Zelandiya ilə 2:2, daha sonra isə Belçika ilə 0:0 hesablı bərabərliyə razılaşıb.
Üçüncü turda İran yığması hazırda G qrupuna başçılıq edən Misirlə qarşılaşacaq. Oyun iyunun 27-də keçiriləcək və Bakı vaxtı ilə saat 07:00-da başlayacaq.
