İngiltərə Premyer Liqasının 2024/2025 mövsümünün 11-ci turunun "Mançester Yunayted" və "Lester"in qarşılaşdığı matç başa çatıb.
Oxu.Az xəbər verir ki, komandalar Mançesterdəki "Old Trafford" stadionunda üz-üzə gəliblər. Qarşılaşmanı Piter Benksin (Mersisayd, İngiltərə) başçılıq etdiyi hakimlər briqadası idarə edib. "Mançester Yunayted" "Lester Siti"ni 3:0 hesabı ilə məğlub edib.
"Mançester Yunayted"in qollarını Bruno Fernandes və Alexandro Qarnaço vurub. Növbəti qolu "Lester"in müdafiəçisi Viktor Kristiansen öz qapısına göndərib.
Keçirilən 11 oyundan sonra "Mançester Yunayted" 15 xalla Premyer Liqanın turnir cədvəlində 13-cü yerdədir. "Lester" də eyni sayda oyundan sonra 10 xalla 15-ci yerdə qərarlaşıb. "Liverpul" 28 xalla turnir cədvəlinə başçılıq edir.
Rəylər