Məşhur basketbolçu İngiltərə Premyer Liqası klubunun sahibi ola bilər

Basketbol üzrə Olimpiya və dördqat NBA çempionu Şakil O"Nil İngiltərənin "Vest Hem Yunayted" futbol klubunda pay almaq üçün danışıqlar aparır.

Məlumata görə, 52 yaşlı ABŞ-li basketbolçu İngiltərə Premyer Liqasının son mövsümündə London komandasının oyunlarından birinə qatıldıqdan sonra onun səhmdarı olmaq istəyib.

Qeyd edək ki, 2022/2023 mövsümündə "Vest Hem Yunayted" finalda İtaliya "Fiorentina"sına 2:1 hesabı ilə qalib gələrək UEFA Konfrans Liqasının qalibi olub. Lakin Premyer Liqanın son mövsümündə "Vest Hem" çempionatda doqquzuncu yeri tutub ki, bu da komandaya avrokuboklara vəsiqə qazanmağa imkan verməyib.

Mənbə: RBC