"Sabah" komandasında çalışdığım dövrlə fəxr edirəm".
Oxu.Az xəbər verir ki, bu sözləri Rusiyanın "Krasnodar" klubunun baş məşqçisi Murad Musayev sports.ru saytına müsahibəsində deyib.
"İkinci mövsümdə çox əla komandamız formalaşmışdı, hər şey alınırdı. Həmin vaxt "Krasnodar"dan təklif alanda dedim ki, "Sabah"dan gedə bilmərəm, rəhbərliyi pis vəziyyətdə qoya bilmərəm. "Sabah" Azərbaycan çempionatında ikinci oldu, avrokuboklara vəsiqə qazandı. Həmin mövsümdən sonra qəlbimin dərinliyində anladım ki, gec-tez evə qayıtmaq və Rusiya çempionatını qazanmq istəyirəm", - deyə o vurğulayıb.
Qeyd edək ki, Musayev bu mövsüm "Krasnodar"la Rusiya Premyer Liqasının çempionu olub. O, 2021-2024-cü illərdə "Sabah" klubuna rəhbərlik edib.
