"Qalatasaray" "Hatayspor" üzərində qələbə qazandı

Trendyol Super Liqasının 2024/25 mövsümünün açılış matçında "Qalatasaray" və "Hatayspor" komandaları üz-üzə gəliblər.

Oxu.Az xəbər verir ki, "RAMS Park"da keçirilən matçda "Qalatasaray" 2-1 hesabı ilə qalib gəlib.

"Hatayspor"un qolunu 52-ci dəqiqədə Coelson, "Qalatasaray"ın bərabərlik qolunu 80-ci dəqiqədə penaltidən İkardi vurub. Sarı-qırmızılılara qələbə qazandıran qolu 90-cı dəqiqədə Mişi Batşuayi vurub.

Bu nəticə ilə çempion "Qalatasaray" yeni mövsümə üç xalla başlayıb. "Hatayspor" mövsümü xalsız açıb.