Superliqanın 23-cü turunda keçirilən "Qalatasaray" - "Adana Dəmirspor" matçı yarımçıq qalıb.
Oxu.Az "Haber Global"a istinadən xəbər verir ki, matçın 33-cü dəqiqəsində hakimin qonaqların qapısına təyin etdiyi penaltiyə etiraz olaraq adanalılar meydanı tərk etmək qərarına gəliblər.
"Adana Demirspor"un baş məşqçisi Mustafa Alper Avcı futbolçuların matça davam etməsini istəməyib və soyunub-geyinmə otağına yollanıb. Bundan sonra matçın hakimləri oyun meydanını tərk ediblər.
Matç yarımçıq dayandırılıb. Qarşılaşma ilə bağlı qərarı Türkiyə Futbol Federasiyası verəcək.
Oyun dayandırılarkən "Qalatasaray" 1:0 öndə idi. Yeganə qolu 12-ci dəqiqədə penalti zərbəsi ilə Alvaro Morata vurub.
