“Qarabağ” “transfer pəncərəsi”nin son günündə növbəti futbolçunun keçidini reallaşdırıb.
Oxu.Az xəbər verir ki, Ağdam təmsilçisi milli komandamızın üzvü Araz Abdullayevi heyətinə qatıb.
Bu ilin iyulundan müqaviləylə Yunanıstanın “Panionios” klubuna məxsus olan Abdullayev növbəti iki mövsümü icarə əsasında “Qarabağ”da keçirəcək.
Qeyd edək ki, 26 yaşlı vinqer son mövsümü Kiprin “Anorsosis” klubunda keçirib və meydana çıxdığı otuz oyunda üç qolla yadda qalıb.
Xatırladaq ki, “Qarabağ” daha əvvəl yay transfer dönəmində islandiyalı Hanes Haldorsonu, Rahil Məmmədovu, bolqar Simeon Slavçevi, braziliyalı Vaqneri, fransalı Abdellah Zubiri, konqolu Dzon Delarjı və isveçrəli İnosent Emeqaranı transfer etmişdi.
Səbuhi MUSAYEV
www.oxu.az
