“Qızıl top”un sahibi məlum oldu - YENİLƏNİB + FOTO

Parisdə keçirilən “Qızıl top”un təqdimetmə mərasimində builki qalibin adı açıqlanıb.

Dünya futbolunda əsas fərdi mükafata Madrid “Real”ının ulduzu Kərim Benzema layiq görülüb.

İlk onluqda həmçinin, Salah (“Liverpul”), Mbappe (PSJ), Tibo Kurtua (“Real”), Vinisius (“Real”), Modriç (“Real”) və Holand (“Mançester Siti”) qərarlaşıb.

İlin ən yaxşı qadın futbolçusu isə mükafata ikinci dəfə ardıcıl olaraq layiq görülən İspaniya millisinin və “Barselona”nın yarımmüdafiəçisi Aleksiya Putelyas olub.

KARIM BENZEMA IS THE 2022 BALLON D’OR! ✨@Benzema@realmadrid#ballondor pic.twitter.com/TXLkHJIhJM

— Ballon d'Or #ballondor (@francefootball) October 17, 2022

BACK TO BACK WINNER!

ALEXIA PUTELLAS IS THE 2022 WOMEN’S BALLON D’OR! @alexiaputellas@FCBfemeni#ballondor pic.twitter.com/dt483n5ioi

— Ballon d'Or #ballondor (@francefootball) October 17, 2022

19:50

Bu gün Bakı vaxtilə saat 22.30-da Parisdə “Qızıl top”un təqdimetmə mərasiminə start veriləcək. 

Sorğulara əsasən dünya futbolunda əsas fərdi mükafata iddialıların reytinqində ilk sırada Madrid “Real”ının ulduzu Kərim Benzema qərarlaşıb.

Həmçinin bu axşam qadınlar arasında “Qızıl top”, ən yaxşı qapıçı üçün Lev Yaşin mükafatı, ən yaxşı hücumçu üçün Gerd Müller mükafatı, ən yaxşı gənc oyunçu üçün “Kopa Trophy” kuboku, ən yaxşı klub mükafatı, həmçinin Sokrates adına mükafat, eləcə də ilk dəfə “çempionlar tərəfindən edilən ən yaxşı həmrəylik aksiyasına görə” mükafat təqdim olunacaq.

Qeyd edək ki, bu il ilk dəfə olaraq “Qızıl top” təqvim ilinə görə deyil, mövsümün nəticələrinə görə veriləcək.

Xatırladaq ki, 2021-ci ildə bu dəfə namizədlər siyahısına daxil edilməyən PSJ-nin hücumçusu Lionel Messi karyerasındakı yeddinci “Qızıl Top” mükafatını qazanıb.

Mənbə: sports.ru