Pep Qvardiola cari mövsümün sonunda "Mançester Siti"ni tərk edəcəyi ilə bağlı rəhbərliyi məlumatlandırıb.
Oxu.Az xəbər verir ki, ispaniyalı mütəxəssisin bu gözlənilməz addımı artıq öz təsdiqini tapıb və önümüzdəki günlərdə klub tərəfindən məsələ ilə bağlı rəsmi bəyanatın yayılacağı gözlənilir.
İddialara əsasən, "şəhərlilər"in rəhbərliyi yaranmış vəziyyətdə vaxt itirmədən hərəkətə keçərək yeni baş məşqçi postuna əsas namizədini müəyyənləşdirib. Hazırda klubun sükanı arxasına gətirilməsi planlaşdırılan yeganə və ən real namizəd italiyalı mütəxəssis Entso Mareskadır. Entso Mareska daha əvvəl "Mançester Siti" klubunda Qvardiolanın köməkçisi kimi çalışıb.
Xatırladaq ki, Pep Qvardiola 2016-cı ildən etibarən "Mançester Siti"nin baş məşqçisidir.
Qaynar xətt:
(055) 224 12 12
