"Santos" meydançanı göz yaşları ilə tərk edən Neymarla bağlı açıqlama verib

"Santos" komandası Braziliya çempionatının IV turunun "Atletiko Mineyro" ilə oyununda zədələnən hücumçu Neymarın səhhəti ilə bağlı məlumat paylaşıb.

Oxu.Az xəbər verir, meydanı göz yaşları ilə tərk edən 33 yaşlı futbolçuda yeni zədə aşkarlanıb.

Klubun məlumatında deyilir ki, Neymar əzələ zədəsindən sağaldıqdan və əzələ kütləsi toplamaq üçün məşq etdikdən sonra meydançaya qayıdaraq, "Atletiko Mineyro" üzərində qələbənin (2:0) ilk hissəsində sol budunda yeni narahatlıq hiss edib:

"Futbolçu müayinədən keçib, nəticədə, yeni zədə aşkar olunub - bu dəfə yarımmembran əzələsində. Neymar artıq müalicəyə başlayıb".