"Şəfa" növbəti transferini reallaşdırıb.
Oxu.Az xəbər verir ki, bu barədə futbol klubu məlumat yayıb.
Bildirilib ki, qapıçı Nicat Mehbalıyevlə 1 illik müqavilə imzalanıb.
Mehbalıyev son olaraq "Sabah"ın formasını geyinib və ötən mövsüm Premyer Liqanın və Azərbaycan Kubokunun qalibi olub.
25 yaşlı qolkiper karyerası ərzində "Qarabağ"ın da üzvü olub. O, müxtəlif vaxtlarda icarə əsasında "Sumqayıt" və "Qəbələ" klublarında çıxış edib.
