"Son döyüşümdən sonra Azərbaycan və Türkiyədən çoxlu məktub aldım. Onları şənbə günü döyüşü izləməyə dəvət edirəm".
Oxu.Az xəbər verir ki, bunu Tofiq Musayevin qırğızıstanlı rəqibi Mıktıbek Orolbay Bakıda keçirilən mətbuat konfransında jurnalistlərin suallarını cavablandırarkən deyib.
"18 yaşımdan UFC-də döyüşməyi gözləyirdim. Allah mənə bu şansı verdi. Titulu qazanmaq üçün növbə indi məndədir", - deyə o bildirib.
Qeyd edək ki, Tofiq Musayev iyunun 21-də "UFC Baku Fight Night"da debüt edəcək. 35 yaşlı idmançımız "Bakı Kristal Zalı"nda keçirilən UFC gecəsində qırğızıstanlı Mıktıbek Orolbay ilə qarşılaşacaq.
Təhməz Əsədov
