Səudiyyə Ərəbistanının paytaxtı Ər-Riyad şəhərində təşkil olunan VI İslam Həmrəyliyi Oyunlarında 17-21 noyabr tarixlərində üç paralimpiyaçımız mübarizə aparacaq.
Milli Paralimpiya Komitəsindən Oxu.Az-a verilən məlumata görə, paraatletikanın nüvə itələmə və disk atma növlərində Samir Nəbiyev F57 kateqoriyasında gücünü sınayacaq.
Parapauerliftinqdə isə Ceyhun Mahmudov və Zəhra Dadaşova yüngül çəki kateqoriyasında çıxış edəcəklər.
Paraatletimizi yarışa baş məşqçi Oleq Panyutin, parapaeurliftinqçilərimizi isə məşqçi Taleh Məhərrəmov çıxaracaq.
Qeyd edək ki, yarışlar noyabrın 17-21-də təşkil olunacaq.
