Bu ilin yanvar-sentyabr aylarında Azərbaycan 42 min 303 ton düyü idxal edib.
Oxu.Az xəbər verir ki, bu barədə Dövlət Gömrük Komitəsinin hesabatında məlumat yer alıb.
Bildirilib ki, bu həcmdə düyünün dəyəri 39 milyon 799 min ABŞ dolları təşkil edib.
Bunlar, ötən ilin eyni dövrü ilə müqayisədə həcm baxımından 10 min 235 ton (19.5%), dəyər baxımından isə 14 milyon 955 min ABŞ dolları (27.3%) azdır.
Hesabat dövründə düyü idxalına çəkilən xərc Azərbaycanın ümumi idxal xərclərinin 0.2%-ni təşkil edib.
