Azərbaycanda iqtisadi artım azalacaq - Hesabat

Asiya İnkişaf Bankı (AİB) 2017-ci ildə Azərbaycanda ÜDM-nin 1,3% azalacağını proqnozlaşdırır.

Oxu.Az "İnterfaks-Azərbaycan"a istinadən xəbər verir ki, bu barədə yenilənmiş “Asian Development Outlook 2017 Update: Growth Outlook” icmalında qeyd edilir.

Qeyd edək ki, AİB bundan əvvəl 2017-ci il üçün Azərbaycanda ÜDM azalmasını 1,1% səviyyəsində gözləyirdi.

Bankın qiymətləndirməsinə görə, 2018-ci ildə Azərbaycanda iqtisadi artım 1% təşkil edəcək (aprel proqnozu - artım 1,2%). 

Hesabatda qeyd edilir ki, 2017-ci ilin birinci yarısında Azərbaycanda ÜDM azalması 1,3% təşkil edəcək, bu da ötən ilin analoji dövrünün göstəricisindən yaxşıdır (resessiya 3,4% təşkil edib). İlk növbədə sənaye sahəsində 5,8% səviyyəsində azalma olub. Neft hasilatının azalması da 2017-2018-ci illər üçün ÜDM-nin proqnozlarına təkrar baxmağa məcbur edir.

AİB-in proqnozlarına əsasən, 2017-ci ilin yekunları üzrə Azərbaycanda orta illik inflyasiya 14% təşkil edəcək (aprel proqnozu - 9%), 2018-ci ildə 10%-dək azalacaq (aprel proqnozu - 8%).

Bankın qiymətləndirməsinə görə, cari ilin yekunları üzrə Azərbaycanın tədiyyə balansının profisiti ÜDM-nin 5,6%-i (aprel proqnozu ÜDM-nin 5,9%-i), 2018-ci ildə 11%-i səviyyəsində proqnozlaşdırılır (aprel proqnozu - ÜDM-in 11,4%-i).

L.Ə.

www.oxu.az