Britaniyanın bp şirkəti Braziliyada son 25 ildə ən böyük neft və qaz yatağı aşkar edib.
Oxu.Az xarici KİV-ə istinadən xəbər verir ki, bu barədə şirkətin mətbuat xidməti məlumat yayıb.
Yataq Braziliyanın cənub-şərq hissəsindəki Santos hövzəsində, Rio-de-Janeyrodan 400 km aralıda yerləşir.
Neft və qaz yatağı 300 kvadrat kilometrdən çox ərazini əhatə edir. Qeyd olunur ki, hazırda aşkar edilən təbii sərvətlərin laboratoriya tədqiqatlarına başlanılıb.
Şirkətin məlumatına görə, yeni yatağın kəşfi fonunda bp-nin səhmləri 1.5% bahalaşıb.
