"İslam İnkişaf Bankı (İİB) Qrupuna üzv ölkələrdə təxminən 150 milyon gənc iqtisadi inkişaf prosesindən kənarda qalıb".
Oxu.Az xəbər verir ki, bunu sözügedən qurumun Şimali Afrika və Mərkəzi Asiya üzrə regional meneceri, departament rəhbəri İdrissa Dia Bakıda keçirilən İİB Qrupunun 2026-cı il İllik Toplantısı çərçivəsində təşkil olunan "Sərhədsiz Gənclər: Birgə Regional Rifahın Hərəkətverici Qüvvəsi" tədbirində deyib.
Onun sözlərinə görə, dünyada hər beş gəncdən biri nə təhsil alır, nə işləyir, nə də hər hansı təlim proqramında iştirak edir:
"Bu da İİB-yə üzv ölkələrdə təxminən 150 milyon gəncin iqtisadi proseslərdən kənarda qalması deməkdir".
İ.Dia bildirib ki, hazırkı gənc nəsil tarixin ən savadlı, rəqəmsal baxımdan ən əlaqəli və sahibkar nəslidir. O vurğulayıb ki, əsas problem gənclərdə istedad və ya ambisiyanın çatışmazlığı deyil, onların potensialını tam reallaşdırmasına mane olan sədlərin mövcudluğudur.
