Fikrət Fərəməzoğluna hökm oxundu

Hədə-qorxu ilə pul tələb etməkdə təqsirləndirilən “Jam.az” saytının baş redaktoru Fikrət İbişbəylinin (Fərəməzoğlu) cinayət işi üzrə məhkəmə prosesi davam edib.

Oxu.Az-ın  Lent.az-a istinadən məlumatına görə, Bakı Ağır Cinayətlər Məhkəməsində hakim Eldar Mikayılovun sədrliyi ilə keçirilən prosesdə Fikrət Fərəməzoğlu son sözlə çıxış edib.

O, çıxışında heç bir günahının olmadığını deyib: "Məhkəmədə mənə verilən ittihamlar sübuta yetirilmədi. Ona görə barəmdə bəraət hökmünün çıxarılmasını istəyirəm".

Hakimlər kollegiyasının hökmü ilə Fikrət Fərəməzoğlu 7 il müddətinə azadlıqdan məhrum edilib.

E.Ə.
www.oxu.az