Yetkinlik yaşına çatmayanlara tütün məmulatları satan şəxslərə cəza verildi

Cəlilabadda yetkinlik yaşına çatmayanlara tütün məmulatları satan şəxslər inzibati məsuliyyətə cəlb olunublar.

Oxu.Az xəbər verir ki, bu barədə Daxili İşlər Nazirliyinin Lənkəran regional qrupu məlumat yayıb.

Bildirilib ki, keçirilən müvafiq tədbirlər nəticəsində Cəlilabad rayonu ərazisində üç mağaza və köşkdə satıcıların yetkinlik yaşına çatmayanlara tütün məmulatı satmaları aşkar edilib.

Polis əməkdaşları tərəfindən həmin şəxslər barəsində İnzibati Xətalar Məcəlləsinin müvafiq maddəsi ilə protokollar tərtib olunub.