20 
İyn
2021
14:33
355
20
4346
Virtual karabakh

Çavuşoğlu Ermənistandakı seçkidən gözləntiləri açıqladı

20 İyn, 2021
14:33
4346

Çavuşoğlu Ermənistandakı seçkidən gözləntiləri açıqladı

Bizim WhatsApp kanalımıza buradan abunə ola bilərsiniz

“Ümid edirəm ki, seçkilərdən sonra hakimiyyətə gələcək rəhbərlik əvvəlki səhvlərdən dərs çıxararaq bölgənin sabitliyinin və sülhün tək yolunun qonşuların torpaqlarına göz dikmək əvəzinə, qonşularla yaxşı yola getmək olduğunu anlayar”.

Bu sözləri Türkiyənin Xarici İşlər naziri Mövlud Çavuşoğlu “Antalya Diplomatiya Forumu”nun bağlanış mərasimində jurnalistlərin suallarını cavablandırarkən deyib.

“Çünki müharibədən, yəni Azərbaycanın öz torpaqlarını geri almasından sonra həm Türkiyədə, həm də Azərbaycanda bölgənin sabitliyi və sülh üçün addım atmaq qərarlılığı var. Bunu hər iki liderin açıqlamalarında görürük.

Bir çox önəmli layihələrin həyata keçirilməsi imkanı var. Bundan ən çox istifadə edəcək olan isə Ermənistandır. Ermənistan keçmişdəki yanlış siyasəti səbəbilə özünü təcrid etdiyi üçün bu baxımdan digər Cənubi Qafqaz ölkələri ilə müqayisədə geridə qalmış bir ölkədir. Ermənistan artıq düşmənçiliyi bir kənara qoyub qonşuları ilə yaxşı yola getmək üçün nələr edə biləcəyini düşünməlidir. Əgər bu anlayış olarsa, mərhələli şəkildə münasibətlərimizi normallaşdırarıq. Bu barədə Azərbaycanla bərabər qərar verərik. Sərhədləri aça bilərik. Bir çox avtomobil və dəmiryolu layihəsi var. Bunların məqsədi nədir? Sərhədləri açmaq. Ticarət və investisiya həcmi artar”, - deyə Çavuşoğlu bildirib.

Bizimlə əlaqə saxlayın

Digər Siyasət xəbərləri