Müğənni Nadir Qafarzadə “Fort Boyard Azərbaycan”da ilandan qorxub qışqırması ilə bağlı erməni mətbuatında yayılan xəbərlərə münasibət bildirib.
Oxu.Az Qafqazinfo-ya istinadla xəbər verir ki, sənətçi bu cür xəbərlərə önəm vermədiyini bildirib:
“Ermənilərin haqqımda yazı yazması məni maraqlandırmır. Demək, biz onlara maraqlıyıq ki, bizdən yazırlar. Bizi müzakirə edirlər. Bu gün bununla bağlı mənə çox zəng gəlib. Hər kəs bu barədə soruşur. Mən Nadir Qafarzadə ermənilərin haqqımda pis və yaxşı müzakirələrinə önəm vermirəm. Mənim “Fort Boyard” yarışmasında yaşadığım hadisəni onlar xəbərə çeviriblər. İlandan qorxub qışqırmışam. İlan qorxulu heyvan deyil ki? Çox az adam tapılar ki, ilandan qorxmasın”.
