20 Yanvar faciəsinin ildönümü ilə bağlı hazırlıq işlərinə başlanılıb

Bakıda, Şəhidlər xiyabanında 20 Yanvar faciəsinin 35-ci ildönümü ilə bağlı hazırlıq işlərinə başlanılıb.

Oxu.Az xəbər verir ki, ənənəvi olaraq, faciənin ildönümü ilə əlaqədar xiyabanın girəcəyində Hüzn Günü ilə bağlı müxtəlif rəngli güllərdən ibarət kompozisiyalar yaradılacaq.

Bu işlərə, adətən, təcrübəli mütəxəssislər, landşaft dizaynerləri cəlb olunurlar.

Qeyd edək ki, SSRİ rəhbərliyi 1990-cı il yanvar ayının 19-dan 20-nə keçən gecə beynəlxalq hüquq normalarını və ölkə qanunlarını büsbütün tapdalamaqla, əhalini xəbərdar etmədən Bakı şəhərində fövqəladə vəziyyətin tətbiqinə başlayıb. Sovet ordusu hissələrinin, xüsusi təyinatlı dəstələrin, daxili qoşunların iri kontingentinin və hətta SSRİ-nin ermənilərin sıx yaşadığı digər regionlarından olan ehtiyatdakı hərbçilərin iştirakı ilə həyata keçirilən hərbi təcavüz nəticəsində Bakıda dinc əhaliyə divan tutulub, yüzlərlə insan qətlə yetirilib, yaralanıb və itkin düşüb.

20 Yanvar faciəsinin ildönümü ilə bağlı hazırlıq işlərinə başlanılıb

Daha çox foto burada: PhotoStock.az