Məşhur videobloqer Albert İsakov monoetnik mühitdə həyat və başqa xalqları qəbul etməyin zəruriliyi ilə bağlı fikirlərini bölüşüb.
Oxu.Az xəbər verir ki, o bu barədə Beynəlxalq Münasibətlərin Təhlili Mərkəzinin təşkilatçılığı ilə keçirilən dəyirmi masa zamanı danışıb.
İsakov 16 yaşında tamamilə monoetnik və aqressiv linqvistik mühitlə qarşılaşdığı Ermənistana köçməsi ilə bağlı şəxsi təcrübəsi barədə fikirlərini bildirib.
"Ermənistanda ətrafdakı hər şey bir rəngdə, bir tipdədir. Başqa heç nə ola bilməz. Bu cəmiyyət yaşadığı dünyanın onun ətrafında fırlandığını düşünür. Tarix, bütün bəşəriyyət - hər şey onlarla bağlıdır, onlar haqqındadır", - bloqer qeyd edib.
O vurğulayıb ki, Ermənistan cəmiyyəti çoxlu sayda azərbaycanlıların, türklərin və Qafqazın digər xalqlarının regionda yaşaması faktını qəbul etməlidir, onlarla birlikdə yaşaya bilməli və onları bir insan kimi qəbul etməlidir.
"Etiraf etmək lazımdır ki, azərbaycanlılar Ermənistanda yaşayırdılar. Bu ölkədə yaşlı nəsil bunu xatırlayır, çoxları onlarla əlaqə saxlayıb, dost olub, müxtəlif səviyyəli münasibətlərdə olub", - İsakov bildirib.
Rufina Abdullayeva
