"15 iyulu beynəlxalq arenada anlatmağa davam edirik. FETÖ və xəyanəti, xalqın dirənişi beynəlxalq ictimaiyyətə filmlər, kitablar, xəbərlərlə çatdırılır. 15 İyul göstərdi ki, xalq bir olduqca heç kim Türkiyəni yolundan döndərə bilməz".
Oxu.Az-ın Ankaraya ezam olunmuş əməkdaşı xəbər verir ki, bunu Türkiyə Prezident Administrasiyasının Kommunikasiya İdarəsinin rəhbəri Burhanettin Duran 15 İyul - Demokratiya və Milli Birlik Günü münasibətilə keçirilən media proqramı çərçivəsində "15 İyul: Yaddaş, Ədalət və Gələcək" mövzulu paneldə çıxışı zamanı deyib.
O bildirib ki, bu il "Zəfərin adı Türkiyə" proqramı çərçivəsində dövlət müəssisələri, məktəblər, universitetlər birlikdə çox önəmli layihələr həyata keçiriblər:
"2024-cü ildə 11 369 layihə icra olunub. Bu il isə 15 İyulla bağlı 21 mindən çox layihə həyata keçirilib. Çünki 15 İyulda demokratiyaya sədaqət və xalqın bərabərliyi bugünkü inkişafda mühüm rol oynayır" .
Mərahim Nəsib
