"Ötən gün səhər Nikol Paşinyan sülh sazişi və sülhün necə əldə edilə biləcəyi haqqında video yayımladı. O deyirdi ki, Türkmənistanda Prezident İlham Əliyevlə danışdıqdan sonra sülhün baş tutacağını anlayıb və bunun məhz necə mümkün olacağını təsvir edib".
Oxu.Az-ın xəbərinə görə, bu barədə Ermənistanın "Hraparak" qəzetinin dərc etdiyi materialda bəhs edilir.
"Ondan əvvəlki gün axşam isə "Vətəndaş Sazişi" Partiyasının idarə heyətinin iclasında ədliyyə naziri Qalyan yeni konstitusiya layihəsi ilə bağlı məsələləri təqdim etdi. Baxmayaraq ki, Konstitusiya Komissiyasının üzvü Daniel İoannisyan uzun müddətdir iclas keçirmədiklərini və üstəlik də mətnin hələ hazır olmadığını deyirdi.
Dünəndən bəri hökumət kuluarlarında Azərbaycanın Nikol Paşinyana sülh sazişini mümkün qədər tez hazırlamaq, ilk növbədə, birinci şərt olan maneəni - köhnə konstitusiyanı aradan qaldırmaq və imzalanma prosesinin irəliləməsi üçün yenisini qəbul etmək üçün vaxt verdiyi ilə bağlı məsələ müzakirə edilir. İndi isə bu mesajlar və digər addımlarla hakimiyyət məhz bunu hazırlayır", - deyə materialda qeyd olunub.
