İctimai rəyi öyrənən Ümumrusiya Mərkəzi növbəti dəfə rus xalqının ən çox hansı MDB dövlət başçılarına etibar etdiyini müəyyənləşdirib.
Oxu.Az Qafqazinfo-ya istinadən xəbər verir ki, Rusiya KİV-in verdiyi məlumata görə, Belarus prezidenti Aleksandr Lukaşenko və Qazaxıstan dövlət başçısı Nursultan Nazarbayev reytinqin liderləri olublar.
Lukaşenko sorğu iştirakçılarının 42 fazinin, Nazarbayev isə 33 faizinin səsini toplayıb. İlk üçlükdə Ukrayna lideri Viktor Yanukoviç 10 faiz səslə yer alıb. Sorğuya əsasən Azərbaycan prezidenti İlham Əliyev respondentlərin səsinin 5 faizini toplayıb. Qırğızıstan, Ermənistan, Özbəkistan, Türkmənistan, Tacikistan, Gürcüstan, Moldova liderləri ən az inam yaradan dövlət başçıları olaraq 1-3 faiz səs toplaya biliblər.
Bu ilin noyabrın 16-17-də keçirilən sorğuda Rusiyanın 130 yaşayış məntəqəsindən 1,6 min şəxs iştirak edib.
