Məzahir Pənahov maarifləndirmə tədbirləri ilə bağlı dəyişiklik istədi

"Məlum olduğu kimi, hər seçkidən əvvəl müəyyən maarifləndirmə tədbirləri həyata keçiririk. Təklif olunur ki, bu tədbirlərin formatına eynilik təşkil etməsin deyə dəyişiklik olunsun".

Oxu.Az xəbər verir ki, bunu Mərkəzi Seçki Komissiyasının (MSK) bugünkü iclasında MSK sədri Məzahir Pənahov deyib.

O bildirib ki, Seçki Məcəlləsinin tələbinə görə, prezident, parlament və bələdiyyə seçkiləri arasında fərq qoyulmur:

"Bu baxımdan, mən komissiya üzvlərinin bu barədə təkliflərini almaq istəyirəm. Tezliklə bu təklifləri təqdim etmək lazımdır".

Mərahim Nəsib