Məzahir Pənahov qeydə alınan yerli müşahidəçilərin sayını açıqladı

"Parlament seçkisində 112 min 749 yerli müşahidəçi qeydə alınıb".

"Report" xəbər verir ki, bunu Mərkəzi Seçki Komissiyasının (MSK) bu gün keçirilən mətbuat konfransında sədr Məzahir Pənahov deyib.

O qeyd edib ki, onların 65 mindən çoxu siyasi partiyaların müşahidəçiləridir.

M.Pənahovun sözlərinə görə, 990 nəfər deputatlığa namizədin 305 nəfəri siyasi partiyaların namizədləridir.

O qeyd edib ki, 371 nəfərin isə siyasi partiya mənsubiyyəti olsa da, onlar bitərəf namizəd kimi qatılıblar.