Macarıstan Türk Dövlətləri Təşkilatına (TDT) üzv ölkələrlə enerji əməkdaşlığını möhkəmləndirməyə davam edəcək.
Oxu.Az xəbər verir ki, bu sözləri Baş nazir Viktor Orban ilə birlikdə Azərbaycanın Qəbələ şəhərində Türk Dövlətləri Təşkilatının Dövlət Başçıları Şurasının 12-ci Zirvə Görüşündə iştirak edən Macarıstanın xarici işlər naziri Peter Siyarto sosial şəbəkədəki paylaşımında bildirib.
Onun sözlərinə görə, Türk dünyası Macarıstanın etibarlı enerji təchizatını təmin etmək üzrə strateji məqsədinə çatmaqda əsas müttəfiqlərdən biridir.
"Biz Türkiyə ilə həmsərhəd olmayan, Türkiyə qazını alan ilk ölkə olduq və Macarıstanın enerji şirkətləri Azərbaycanın əsas təbii qaz və neft yataqlarında pay alıb. Bu il Qazaxıstandan 600 min ton neft idxal etməyi planlaşdırırıq və Özbəkistanda AES-in tikintisində macar texnologiyasından istifadə olunacaq", -deyə nazir "Facebook" hesabında yazıb.
