Gürcüstanda baş verən təyyarə qəzasında şəhid olan türk əsgərlərinin nəşləri bu gün Türkiyəyə aparılacaq.
Oxu.Az xəbər verir ki, bu barədə jurnalist Fulya Öztürk özünün "X" sosial şəbəkəsindəki hesabında yazıb.
"A400M təyyarəmiz Tbilisi hava limanındadır. İyirmi şəhidimiz tezliklə Türkiyəyə göndəriləcək", - Fulya Öztürk bildirib.
📍 Tiflis Havalimanı / Gürcistan pic.twitter.com/BTU4lfEMXX
— Fulya Öztürk (@Fullyaozturk) November 13, 2025
Xatırladaq ki, noyabrın 11-də Türkiyə Hərbi Hava Qüvvələrinə məxsus "C-130" hərbi yük təyyarəsi Gəncə hava limanından qalxdıqdan 27 dəqiqə sonra Gürcüstan ərazisində radarlardan itərək qəzaya uğrayıb. Qəza nəticəsində təyyarənin göyərtəsində olan, heyət üzvləri daxil olmaqla 20 hərbçinin hamısı həlak olub.
