Ağsuda dağlıq sahə yanır: iki helikopter, bir təyyarə cəlb edildi - YENİLƏNİB

Fövqəladə Hallar Nazirliyi (FHN) Ağsuda dağlıq ərazidəki yanğınla bağlı məlumat yayıb.

Nazirliyin məlumatına əsasən, Ağsu rayonu, Kəlağayılı kəndində başlayan yanğın səbəbindən hadisə yerinə Fövqəladə Hallar Nazirliyinin Dövlət Yanğından Mühafizə Xidmətinin, Mülki Müdafiə Qoşunlarının canlı qüvvə və texnikası, Aviasiya dəstəsinin iki helikopteri və bir "BE 200 ÇS" tipli amfibiya təyyarəsi cəlb olunub.

15:13

Ağsuda dağlıq ərazidə kol-kos yanmağa başlayıb.

Oxu.Az xəbər verir ki, yanğın rayonun Xanbulaq kəndi ərazisində dağlıq sahədə qeydə alınıb.

Yanğının söndürülməsinə Fövqəladə Hallar Nazirliyinin Dövlət Yanğından Mühafizə Xidmətinin texnika və canlı qüvvəsi cəlb edilib.

Hazırda yanğının söndürülməsi istiqamətində tədbirlər davam etdirilir.

Dursun Tağıyeva