“Koronavirusla Mübarizəyə Dəstək Fonduna bu günə qədər 113 milyon manat vəsait toplanıb”.
Oxu.Az-ın məlumatına görə, bunu Nazirlər Kabineti yanında operativ qərargahın keçirdiyi mətbuat konfransında qurumun Mətbuat Xidmətinin rəhbəri İbrahim Məmmədov deyib.
İ.Məmmədovun sözlərinə görə, Koronavirusla Mübarizəyə Dəstək Fondunun vəsaiti hələ xərclənməyib.
“Dövlət hər cür vəsait ayırıb. Bu gün Prezident İlham Əliyev və Birinci vitse-prezident Mehriban Əliyeva üç yeni modul tipli xəstəxananın açılışında iştirak ediblər. Bu, koronavirusla mübarizədə səhiyyə infrastrukturunu möhkəmləndirir. Ehtiyac olarsa, İctimai Nəzarət Şurasının nəzarəti altında bu vəsaitdən istifadə olunacaq”, - deyə, NK rəsmisi əlavə edib.
İlhamə Əbülfət
Rəylər