Koronavirus xəstələrinə dərmanlar pulla verilib? - AÇIQLAMA

Xəstəxanada koronavirus xəstəsinə dərman preparatının ödənişlə verilməsi ilə bağlı fakt varsa, həmin şəxs müraciət edərsə, araşdırılacaq.

Oxu.Az-ın müxbiri operativ qərargahın brifinqindən xəbər verir ki, bunu Cəlilabad Rayon Mərkəzi Xəstəxanasının direktoru Elnur Azadxanov deyib. 

O bildirib ki, bu barədə şikayət daxil olmayıb:

“Dərmanlar protokola uyğun verilir. Protokoldan kənar dərmanlar verilə bilməz. Çünki yanaşı xəstəliyi olan insanların orqanizmini yükləmək olmaz.

Buna görə də bütün dərmanlar xəstələrə protokola uyğun olaraq tətbiq edilir. Bütün hallarda həmin şəxs bizə müraciət etsin və məsələni araşdıraq”.

Könül Cəfərli