Dərs cədvəllərinin necə qurulacağı açıqlandı - VİDEO

İbtidai sinif şagirdlərinin məktəbdə tədrisinin təşkili hazırda müzakirə edilir, yaxın zamanda yekun qərarlar barədə məlumat veriləcək.

Oxu.Az-ın müxbiri Nazirlər Kabineti yanında operativ qərargahın keçirdiyi brifinqdən xəbər verir ki, bunu TƏBİB-in İdarə Heyəti yanında tibbi-elmi komitənin sədri Akif Qurbanov deyib.

O bildirib ki, dərs cədvəli şahmatvari olacaq:

“Məktəblərdə şagird sıxlığının qarşısının alınması üçün tədbirlər görüləcək. Kitabxanaların, yeməkxanaların işləməməsi müzakirə edilir. Məktəbdə dəhlizlərdə sıxlıq olmasın deyə aidiyyəti üzrə tədbirlər görüləcək.

Bütün bunlar yekun müzakirədən sonra ictimaiyyətə elan ediləcək. 

Qış mövsümünə gedirik, yoluxma sayının artım ehtimalı bizi narahat edir. Bilirsiniz ki, tədris rejiminin ənənəvi qaydada bütün məktəblərdə eyni cür olması gözlənilmir. Bu barədə də yenə deyirik ki, yekunda məlumat veriləcək”.

Dərs cədvəllərinin necə qurulacağı açıqlandı - VİDEO

Könül Cəfərli