Paytaxtda şam ağaclarının dibləri betonlanıb.
Oxu.Az xəbər verir ki, fakt metronun “Həzi Aslanov” stansiyası yaxınlığında qeydə alınıb.
Belə ki, sözügedən ərazidə şam ağaclarının gövdələrinin ətrafı betonlanıb. Ağaclara belə soyqırımı edənlərə qarşı sosial şəbəkə istifadəçiləri tərəfindən ictimai qınaq formalaşdırılıb.
Məsələ ilə bağlı Bakı Şəhər Yaşıllaşdırma Təsərrüfatı Birliyindən Oxu.Az-ın sorğusuna cavab olaraq bildirilib ki, qeyd olunmuş faktla bağlı ən qısa zamanda zəruri tədbirlər görülüb:
“Ağacların dibi betondan təmizlənib və onlara aqrotexniki qulluq göstərilib”.
Könül Cəfərli
