Futbol qaydalarına ciddi dəyişiklik edilə bilər. Beynəlxalq Futbol Assossasiyaları Şurası mart ayında Şotlandiyanın Aberdin şəhərində keçirilən iclasda bilməyərəkdən əllə oyuna görə yeni cəzanın tətbiq olunmasını müzakirə edəcək.
Oxu.Az xəbər verir ki, bu haqda “Sports.ru” məlumat yayıb.
Hazırkı qaydalara görə, matç zamanı oyunun baş hakimi yalnız futbolçunun əli ilə topa bilərəkdən toxunduğuna əmin olduğu hallarda həmin oyunçunu cəzalandırmaq səlahiyyətinə malikdir.
Bilməyərəkdən əllə oyuna görə yeni cəzanın yalnız cərimə meydançasından kənarda tətbiqi nəzərdə tutulur. Təklif olunan qayda hücum zamanı təsadüfi əllə oyun hallarının qarşısını almaq məqsədi daşıyır.
Cərimə meydançası hüdudlarında isə əvvəlki qaydada, yalnız bilərəkdən əllə oyuna görə cərimə zərbəsi təyin olunacaq.
