Həcc ziyarəti - Məkkəni (Məscidül-Həram) və Ərəfat dağı, Müzdəlifə və Mina vadilərini ziyarət etməklə əlaqəli həccdir. İslamda həcc, şəhadətdən, namazdan, zəkatdan və orucdan sonra beşinci rüknüdür. Azərbaycanda Həcc ziyarətini Qafqaz Müsəlmanları İdarəsi təşkil edir. Azərbaycandan həcc ziyarətinə gedənlər üçün sənəd qəbulu gələn il fevralın 15-də başa çatacaq.
İdarənin yaydığı məlumata görə, QMİ 2026-cı il həcc mövsümündə bir nəfər üçün ziyarət paketinin qiymətini 6 100 ABŞ dolları müəyyən edib. Ziyarət vahid formada təşkil olunacaq və hava nəqliyyatı ilə ilə həyata keçiriləcək.
Ziyarət üçün tələb olunan sənədlər aşağıdakılardır:
1. Ümumvətəndaş pasportu;
2. Şəxsiyyət vəsiqəsinin surəti;
3. 3.5 × 4.5 sm ölçüdə 2 ədəd ağ fonda çəkilmiş rəngli fotoşəkil (qadınlar tünd hicabda);
4. Sağlamlıq haqqında arayış.
Koronavirus pandemiyası səbəbindən 2020-2021-ci illərdə Azərbaycandan Həcc ziyarətinə gedən olmayıb.
Vida həcci - Peyğəmbər Məhəmmədin ömrünün son ilində yerinə yetirdiyi yeganə həccdir. Bu, hicrətin 10-cu ilində zülhiccə ayında baş vermişdir.
Hər il iki milyondan çox insan bu vacib ruhi səyahəti etmək üçün Məkkəyə gedir.
